Рыма-Каталіцкая парафія

Маці Божай Бялыніцкай

"Маці Божая была такая прыгожая, што ўбачыўшы Яе толькі раз, не магчыма было ўстрымаць жаданне памерці, каб толькі ізноў Яе ўбачыць."
св. Бернадэтта

Асвячэнне новай копіі іконы Маці Божай Бялыніцкай

1 верасня ў Бялынічах адбылося асвячэнне напісанай на дошках мастачкай Малгожатай Новаліньскай у Кракаве іконы Маці Божай Бялыніцкай. Ахвярадаўцам іконы з’яўляецца вялікі шанавальнік культу Маці Божай Бялыніцкай кс. пралат Веслав Кондзеля з Варшавы; ахвярадаўцам драўлянай рамы вырабленай у Італіі для іконы з’яўляюцца прадстаўнікі малітоўнага руху “Маргарытка” з Рубяжэвіч, Вілейкі і Мядзела.

Асвячэнне здзейсніў дапаможны біскуп Мінска-Магілёўскай архідыяцэзіі і біскупскі вікарый для Магілёва і Магілёўскай вобласці Я.Э. бп. Аляксандр Яшэўскі S.D.B.

«Кожнага чалавек, які глядзіць праз прызму веры на ўсе падзеі свайго жыцця, заўважае, што няма ў ім рэчаў прыпадквых. Сёння, калі асвячаем копію абраза Маці Божай Бялыніцкай, то бачым, што сённяшнія літургічныя чытанні вучаць нас пакоры. А хто з’яўляецца для нйдасканальшым прыкладам пакоры? У першую чаргу Езус Хрыстус, які прынізіў сябе, каб, будучы Богам, стацца чалавекам. А другая асоба гэта Марыя – прыклад пакорнага следавання Божай волі.

У сённяшнім фрагменце Евагелля Пан Езус выкарыстоўвае жыццёвую сітуацыю, каб даць Сваю навуку. На прыкладзе вяселля Езус звяртае ўвагу, што бачыць у людзей схільнасць узвышацца панад іншымі. Чаму дрэнна ўзвышацца над іншымі? Бо гэта крыўдзіць людзей, прыносіць боль, цярпенні, а нават прыніжэнне. Езус аднак не толькі дае навуку што нельга ўзвышацца над іншымі, але паказвае аб чым варта памятаць, калі прыходзіць спакуса:

І думка, гэта Яго словы “Кожны, хто ўзвышае сябе, будзе паніжаны, а хто паніжае сябе, узвысіцца”. Прыклад Люцыфера вельмі яскрава паказвае, што той хоча сябе ўзвысіць будзе паніжаны. У сваю чаргу прыклад шматлікіх святых, якія за жыцця часта былі ахярамі ганенняў і незразумення, а цяпер шануююца ва ўсім Касцёле.

ІІ думка гэта словы Езуса “Калі наладжваеш абед ці вячэру, не кліч сяброў тваіх, ні братоў тваіх, ні родных тваіх, ні суседзяў багатых, каб і яны не паклікалі цябе ў адказ”. Усім вядомыя акцыі вялікіх гэтага свету, якія наладжваючы харытатыўныя прыёмы, запрашаюць аднолькава багатых людзей. Апошнія ў сваю чаргу спаборнічаюць у тым, хто больш нулёў напіша на чэку, каб пазней быць наўзаем запрошаны. Езус жа вучыць нас бескарыслівасці.

ІІІ думка змяшчаецца ў словах “Адплаціцца табе ў дзень уваскрасення справядлівых”. Мы павінны памятаць, што робячы ўсё бескарысліва, ўзнагароду нам дасць не чалавек, а Бог».

Святую Імшу канцэлебраваў таксама дзекан Магілёўскага дэканату кс. мгр Віталій Маргуноў.

Вернікі прывіталі іерарха згодна з даўнім звычаем у браме касцёла з хлебам і соллю. А таксама на прыканцы Святой Імшы падзякавалі за цэлебрацыю Эўхарыстыі.

Кс. Ю.Сярпейка, адміністратар парафіі

Каляндар свят

Нашы сябры